آه لو تدري ورى قلبي ينوح
أنظر بعينك لحالي من جفاك
يشتكي قلبي أنا كثر الجروح
وتشتكي جروحي لروحي من هواك
آه لو تدري وتدري ليش أبوح
ما قسى قلبك على قلب رجاك
لو جحد قلبي ترى دمعي فضوح
في عروقي اختلط دمي بغلاك
كل ما حاولت أقرب لك تروح
لاهي قلبك وقلبي ما نساك
من غيابك صرت أنا طفل لحوح
ما يجيه النوم وعينه ما تراك
أرحم اللي من سببكم ياالسموح
ناحل جسمه وقرب للهلاك
لكن أدري أن آهاتي تفوح
تلتهب كبدي وأنا اللي قد شراك
"مدارات شعبية"