ياالله إني دعيتك وأنت منك الإجابة
يا سميع مجيب ومن عبادك قريب
مالنا إلا أنتِ إله ما يخيب الرجا به
من يعلّق رجاه بحبل غيرك يخيب
تشفي العاهل اللي فيه عطف وصبابه
للوطن والمواطن جعل حاله يطيب
غيث داره وجاره للعدا به مهابه
هو ذرا الدار أملها بالنهار العصيب
والله أنا مرضا يوم علمه لغابه
مذيع الأخبار جعله عن خروجه يجيب
علم يفرح جميع أهل الوطن والقرابه
جعل شمس أبو فيصل بالوطن ما تغيب
ويتعافى لشعبٍ حاسبٍ له حسابه
بالولا مخلصٍ له والعدو مستصيب
من قديم ولانا. مابولانا غرابه
والله أنَّا لناقف بالطلب ما نغيب
"مدارات شعبية"