يا من يطمني عسى شيخنا طاب
فهد حبيب الشعب عزه وسيده
نال احترامه والثقة فوق الإعجاب
وغلاه يكبر كل يومٍ رصيده
والكل مما صابه اليوم منصاب
وكلٍ دعا له بالشفاء رافع إيده
نطلب وندعي دعوةٍ جعلها تجاب
بلسان واحد والجوارح شهيده
حقه علينا اللي للأمداح كساب
عز البلاد وريف شعبه وعيده
الله يجيره من صواديف الأسباب
ويرعاه رب الكون محصي عبيده
ومن كل سوٍ يحفظه رب الأرباب
ويمد في عمره سنين مديده
ويزهى بتاج العافية بشت وثياب
الحاكم المحبوب سمح العقيده
لا بالعرب مثله ولا بين الأجناب
حاكم حكيم ومنه الأرياء سديده
بالرأي والحنكة سياسي ولا هاب
مثل الجبل راسي ولا اهتز حيده
شامخ على مر المصائب والأصعاب
شامخ وبركونه مزايا عديده
نعم الذرا والظل عن كل ملهاب
ووقت الشتا نلقى الدفا عن جليده
سورٍ منيع وكل ما فيه جذاب
نعيش في عهده حياةٍ سعيده
أمن وأمان ومن نصا الدار ما خاب
وأنا أشهد إنه حقق اللي نريده
الله يديمه والي العرش وهاب
ويبقى لنا ذخر وفخرنا يزيده
"مدارات شعبية"