هاك الضلوع وشبها ليلنا برد
همس المشاعر ذاب وأفنى حطبها
روض خيول جامحة يمك وشرد
تصهل على الغرفا بقايا عتبها
وأسرد لها قصة معاناتنا سرد
وأنا أوعدك ما أقول منهو كتبها
سنين عمري ياحبيبي جتك ورد
صب الحنان بكاسها ياطلبها
ربّع بقلب به صحاري الجفا جرد
أنزل على عروقه واسكن عربها
واطرد خوى الأيام من دنيتي طرد
واعرف ترى مليت أجاري تعبها
هاك الضلوع وشبها ليلنا برد
دف المشاعر في غلاك بلهبها
"مدارات شعبية"