من شاف حالي قال وش فيك داله
داله وتسرح بك هواجيس وهموم
افرح وخل الهم مالك وماله
واعرف ترى الايام والله مادوم
قلت اتركوا حالي وكل وحاله
لو هي على الاحزان لا شك ما قوم
حملت حزنٍ ما تشيله جباله
وامشي فرح والهم بالقلب ما سوم
شربت مر الوقت حتى الثماله
وسكرت من كاسٍ بها طعم علقوم
واظهرت انا قو الصبر والبساله
واخفيت انا همي عن الربع والقوم
واليوم لا والله قلبي بداله
شيء غريبٍ حارمٍ عيني النوم
عجزت اوصف من يجيب الدواله
خناجرٍ بالقلب عديتها كوم
كله سبب غروٍ ذبحني دلاله
غرقت في حبه وانا جاهل العوم
ظبي الجزيرة ما لقينا بداله
صدقٍ الى قالو مقدر ومقسوم
من شاف بنت البادية ضاع باله
اللي على وضح النقا حبها دوم
من عقبها والفكر سارح وداله
داله وتسرح به هواجيس وهموم
"مدارات شعبية"