تحداني بك النسيان ومع هذا تحديته
يطول العمر ما أنسى حبيب مسكنه عيني
تعال أنزل وسط قلبي وسوف اللي لك أخفيته
ونوّر عتمة أفوادي وضلمة باقي سنيني
تعال وكلني فدوة عيون اللي تباطيته..
أريد أطلعك عن حالي قبل تقرا عناويني
تعال أمروض الكلمة وفارس يسبقه صيته
نذرت العمر لعيونك ولحضة به تناجيني
أنا يا ما على الذكرى مواني بسمتك جيته
حبيبي كم تخيلتك تجي لمي تناديني
سهرت الليل كالشمعة أذوب وغيري أضويته
طويته أشبه النجمة شعاع الشمس يمجيني
غفيت ابزفرة آلامي حلمت بصوت أوحيته
صحيت وما لقيت إلا.. جروح غايرة فيني
خيالن يشبه الواقع محل لا شواف أزريته
وطيف مرني عابر حسبت أنه يحاكيني
ذبلت ولا بقى بوردي سوى غصن بك أشقيته
ضويت ولا بقى فيني سوى حبك يمنيني
أخذت الجرح بأحضاني يجي منك وضميته
هلا يا لوعة أحبابي يا زرعي يا بساتيني
وغصني اليابس الأصفر ينزف أعيوني أرويته
وكل هم يجي منك عساه اللي يماريني
وكل دمعي وكل سجعي وكل شوقي لك أهديته
أنا طبعي بعد ربعي أحبك لو تجافيني
"مدارات شعبية"