سلامتك مولاي من الباس مأجور
سلامتك من كل عارض وعايق
طهور وأجر وعافيه وأشرق النور
فالكون كله عقب ما كان ضايق
الشعب كله بالفرح بات مسرور
صحايف الفرحه وجيه الخلايق
يقرابها اللي عنده إحساس وشعور
ويبات شاديها على الغصن رايق
بذرة غلاك اللي لها فروع وجذور
حقيقة تبنا عليها الحقايق
محبتك تبنا على ساس وجسور
جسر التلاحم ما يبيله وثايق
أمرك يابو فيصل ينفذ على الفور
أنت المليك اللي له الأمر لايق
وشورك ينومسنا ليا استصعب الشور
وصار الخطب بالثانيه والدقايق
يرجح لك الميزان وأرسى من الطور
تقلب رحل الدنيا على كل بايق
هيبتك تحمانا وما قفك مشهور
أخمدت نيران الفتن والحرايق
كبد العدو مدحور ويموت مقهور
وفالآخرة له عند ربه لحايق
الله يمد بعمرك سنين وشهور
يا مودعٍ صحراء الجزيرة حدايق
في عصرك الزاهر بساتين وزهور
غيث يسوقه من مناشيه سايق
أنت الذخيرة لا نفذ كل مذخور
من ضيفتك تجد العريضه تضايق
بحر غطى جوده محيطات وابحور
على بحور الجود بالجود فايق
سلالة اللي حد شلفاه مسمور
مع فرخة المصمك سهمها يوايق
جبر بها عظمٍ من الوقت مكسور
أسهل علاجه مستحيل الطرايق
صقر يصد صقور ويعشي صقور
مودع شيوخ القوم مثل العلايق
مبروك يا قصر اليمامة ومعمور
شفى زعيم العرب من كل عايق
"مدارات شعبية"