لا تعتذر كلي طعون ومواجع
جرح الزمن وهموم قلبي سببها أنت
ما عاد تهنا ذا العيون المضاجع
مكتوب لي حزني وهمي به آمنت
اصبر على وقت ويجي العلم فاجع
انسى واقول لحب ذا الشخص كفنت
جرحي معك ثاير ولا هوب هاجع
الله . . من جرح من الحزن كونت
الصمت يجرح وأنت شفتك تراجع
واعاتبك لاجيت وان غبت حزنت
في كل توبه مستخيرٍ وراجع
أقول أببعد وأرجع أقول هونت
بالقلب طير الحزن بالصوت ساجع
وبالعين صوره لك بالاشكال لونت
ما غبت عني ساهرٍ بالمواجع
أذكرك لو أجروح قلبي سببها أنت
"مدارات شعبية"