أنا ما أخطيت في حقك ولو زدتي زعل وعناد
تراني حافظ نفسي وأداري جرح خلاني
صحيح إني أحبك بس هذا وش نفع أو فاد
تماديتي بتجريحي وصدك حيل أشقاني
تحملتك وصار القلب لأفعالك وطن وبلاد
وقلت ف(يوم) تتعدل أحاسيسك وتهواني
وأشوف إنه مع الأيام صدك والهجر يزداد
تغيرتي وقلبك صار يقسى ويتحداني
وهبتك كل ما أملك يجود الوقت أو ما جاد
عطيتك ما بخلت ف يوم شوفي ودم شرياني
صبرت وقلت أنا يمكن يجي لهذا الأمل ميلاد
وصرتي والأمل كذبة رسمتوا لوحة أحزاني
تحاصرني مشاريهي تقود القلب ولا ينقاد
عزيت اليوم عن حب على الحقران يحداني
وأنا رجل إذا أقفيت ما يعلم بي النشاد
عن دروبي إذا صديت (سلمي سلم جداني)
رخيت الحبل من شأنك وزدتيني دلع وعناد
وأنا الغلطان وأعلنها: أقول حقي وما جاني
"مدارات شعبية"