يا مليك قلوبنا قبل البلادي
يا زعيم المرجله رمز القياده
انت ما مثلك زعيم ولا قيادي
يوم كل إنسان يفخر في بلاده
يا فهد يا عز من شاف النكادي
وأنت خير وسلم وإصلاح وعباده
يا حبيب الشعب من حضر وبوادي
أنت ساكن في عيونه في فواده
كل شعبك بالدعا صوته ينادي
والشعوب المسلمة تدعي زياده
رافعين لخالق الكون الأيادي
يحفظك رب لطيف في عباده
أنت يا عز العروبة ما أنت عادي
بالتسامح والشجاعة والرياده
يا سليل المجد مالك من ملادي
بالعدالة والشكاله والركاده
شف مكارمك الكبار بكل وادي
واضحة ما هي بحاجة للشهاده
وشف عطاك لكل صرح وكل نادي
في بلادٍ خصها الله بالسياده
ما تزعزع عن كتاب وعن مبادي
راسياً مثل الجبل صبر وجلاده
يا زعيم ويا حكيم ويا اقتصادي
يا محنك بالسؤال وبالإفاده
أنت يا بحر الندى جودك مدادي
والبحر ما هوب ينقص في مداده
في وفاك وفي غلاك لكل أشادي
شف غلاك بعين طفل وعين غاده
يحفظك رب رفع شان الجهادي
دعوة من شعب مخلص في وداده
"مدارات شعبية"