الله أكبر كلما قمت اتفكر
في زمان أهل الكرم وأهل الشجاعه
الرجال اللي لهم فعل يذكر
فعلهم باقي ويحيينا سماعه
بابهم للضيف لا يمكن يسكر
في ظروف الفقر واظروف المجاعه
عايشوا وقت به الجو ايتعكر
عندهم صبرٍ على الوقت وبتاعه
ينبذون اللي عن الضيف ايتنكر
لو يصير اقرب قريب من الجماعه
لا لفاهم ضيفهم قام ايتشكر
شاف فعلٍ ما يجي عقبه طماعه
الذبيحه قلطوها بالموكر
سلمهم دايم يحبون اتباعه
ما عليه اللي بفعل الطيب بكر
طايلٍ بالمرجله والطيب باعه
"مدارات شعبية"