رفرفي يا راية التوحيد فوق
يا شعار العز يا فخر العرب
وساعديني يالقوافي والطروق
المشاعر داخلي ترقص طرب
يا وطنا ما يجازيك بعقوق
واحدٍ من نبعك الصافي شرب
حظنا دايم تباشير وشروق
وغيرنا حظه عن الدنيا غرب
مفلحين وكاسبين بكل سوق
ولا نسوم ونشتري غير الذهب
نحمد الله يوم لاحن البروق
التأهل فاز فيه المنتخب
منتخبنا يلعب بفنٍ وذوق
يجذب الأنظار لامنه لعب
قادنا سلطان للنصر الحقوق
له عوايد سيدي مابه عجب
بالدهى والصبر والقلب الشفوق
حقق المقصد وجاله ما طلب
ثابت المبدى وله فعلٍ يشوق
يجمعه بالمكرمات أصل ونسب
الوفي يجري بدمه والعروق
عالى الهمات حلال النشب
وساعده حرٍ شهر للخصم عوق
عاش نواف المعالي والأدب
حاتمي بالعطا كفه سبوق
ابن فيصل عادته فعل الشبب
وبالختام أهني الشعب الصدوق
والوعد بالمانيا والله قرب
"الريـاضيـة"