أحبك ياغرام وماأفوق إلا على شروقك
ولاتروي عطش قلبي حروفك، وانتي بعيده
أسيل الخد، نفح الورد، بأنفاسك ومنطوقك
وصفو الود، عد الورد، طعم الشهد تجسيده
صحيح انك ملكتيني بدافي حسك وشوقك
وهمس شفاه حبٍ جاز لي عزفه وتغريده
وشعرٍ لا نتثر فوق الجبين وشعّت بروقك
جعل ما بين نفسي والفرح حلفٍ وتوكيده
إلى نصف الظهر، والزين من تحتك ومن فوقك
ألا سبحان من صورك فتنة قلبي وعيده
وخصرٍ لاتثنّى ينثني عزمي على وفوقك
ولايسمح لي أبعد عن مدى شوفك وتحديده
وعينٍ تجعل القلب الشجاع يصير معتوقك
بعد ما يفتنه رمشك بنظراته وتهديده
سهوم الموت قبل الصوت تجبرني على بوقك
مثل ما أقفيتي بقلبي وشديتيه من إيده
تباهي بالحلا ياسيدة شعري ومعشوقك
مساء الحب يفخر بك وصرتي عيد تمجيده
وانا لي حق في صادق غلاك أكتب على ذوك
والامس نبض قلبك بين آهاته وتنهيده
"مدارات شعبية"