يا لله إني طلبتك يالجواد الكريم
احفظ المملكة والفهد ورجالها
يا مجيب الدعاء ياللي بخلقه عليم
جعل كل السعد والخير من فالها
عشت يا فهدنا يالحر عوق الخصيم
حصن للمملكة والدار وأجيالها
عشت يا راعي الوقفات وابو اليتيم
فيك تضرب صفات العرب وأمثالها
يا بن منهو بنا للعز مجد قديم
والأسود العظيمة تعرف اشبالها
تفتخر فيك كل المملكة يالزعيم
يا زعيم العرب بالقول وأفعالها
كلما قالوا اسمك قيل ذاك العظيم
ومن سمع كلمتك لا بد يعنالها
انت كل السخاء والجود همال ديم
صدق يمناك ما تقصر عن إجزالها
من جنوب الحجاز لحد دار القصيم
من صحا صيح نجد طويق وجبالها
في ذرى الفهد عاشت في رفاه ونعيم
كل شبر بداره حقق آمالها
والختام ادعي المعبود رب رحيم
يحفظ الفهد درع الدار وحبالها
"مدارات شعبية"