سلامتك يا اللي على العز مبداك
يزيل عنك الباس منش المخيله
سلامتك ما مدت الخير يمناك
وما سرت في درب الكرم والفضيلة
يا كبر فرحتنا بشوفة محياك
وكل الغلا بقلوبنا لك نشيله
طهور ما جا لك وشر تعداك
بالعافية عسى ليالك طويله
تسلم لنا يا سيدي تسلم خطاك
رجل السلام اللي ملكنا جميله
يا فهدنا يا عزنا لا عدمناك
الله يجيرك يا منجي دخيله
ارجي من المولى يحفظك ويرعاك
رب العباد ونعم منهو وكيله
يا شيخنا يا درعنا كلنا فداك
غيرك لباس المجد ما يستوي له
"مدارات شعبية"