حبات الألماس جات اليوم مختصّه
نظمتها واسطعت لعيون سيّدها
دين وحمولي على الكتفين منرصّه
والشعر متعوّد إديوني يسددها
للحلوه اللي لها مع خافقي قصّه
اللي من إسنين وردي فايح إبيدها
ياليت حظي معاها ينكسر نصّه
وإظروفها تنتهي في يوم وأسعدها
ياقلب وصّ الحمام اللي لنا وصّه
وقل له مثل (عادتك) بالورد عايدها
وبالذات قلب البنيه بالوفاء خصّه
وطمنْه لازلت بالموعود واعدها
ياحبي المغترب قص المدى قصّه
وإحذر تخلّي زمانك عنّك يبعدها
الحرب حربك وأشوف الوقت أخذ حصّه
رد الغنايم وجند الوقت حيّدها
خلاص ماني بصابر.. طالت القصّه
اليوم أبمشي لأبوها وأطلبه يدها
"مدارات شعبية"