قلب المولع للغنادير مدهال
تسرح وتمرح في روابي حماها
يذرف دموع فوق خديه همال
لو جفف دموعه تزايد هناها
ما أسمع كلام الناس لو قال من قال
ما أسمع كلام اللي حسد من عداها
سيف الهجر بأقصى الخوافي ولا زال
جروحه عميقة ما لقينا دواها
مشيت بلدان البشر طفت رحال
نفسي خليجية ولا أبغي سواها
أشري هوى المجمول بالروح والمال
معذور من يتعب يدور رضاها
يا درة ما ثمنت وسط سلسال
الله من عين تمني تراها
جتكم عنود الصيد تمشي وتختال
تنور المجلس بطلعة بهاها
تأخذ عقول الناس بقفاي وإقبال
لطف وأدب وأخلاق وزين كساها
والشعر ناعم فوق الامتان ينهال
مكمله بالحسن ربي عطاها
هي زينة الزينات والحق ينقال
لاحت تباشير الفرح من ضياها
"مدارات شعبية"