مشتاق لك يا كامل الزين مشتاق
وعذب عيوني لخاطر عيونك الشوق
قلبي لغيرك يا أريش العين ما طاق
يا منيتي يا قمة الحب والذوق
لا والذي سواك غيرك فلا لاق
إنت الوحيد اللي سطع بالسما فوق
إنت الوحيد اللي له القلب ينساق
إنت الوحيد اللي له القلب موثوق
منزلك وسط العين وبنصف الأعماق
يا غايتي يومي بفرقاك مسروق
والله يا فرحة زماني والأشواق
قلبي بعد فرقاك يا زين محروق
دنياي بعدك غامضة صعب تنطاق
ما كن في دنياي بالكون مخلوق
من يوم غبت وجو الأحباب ما راق
ارجع تعال وعامل القلب برفوق
غابت ترى عن ناظري شمس الإشراق
وعذب عيوني لخاطر عيونك الشوق
"مدارات شعبية"