عيب لامن قلت أبيها إيه أبيها إيه أبيها
دامها في خافقي موتو قهر لاما عليّه
تسكن الخفاق وعيوني عيوني تحتويها
ذيك ورده لا وربي ورده وورده نديّه
ماتشوفون القصايد تهتويها تهتويها
مثلها وش مثلها غير الحروف الأبجديّه
جادلٍ حتى الذهب ينعم على لمسة يديها
هي ذهب واصل الذهب عشّاق عشّاق ال سميّه
جادلٍ في مدحها لو قلت ببدا وابتديها
ماتكفيها الطروق ولا اللحون السامريّه
جل سبحانه تبارك حط كل الزين فيها
زينها منطقوها لسلوبها ذيك البنيّه
الجمال اليوسفي هي تكتسيه ويكتسيها
وهبة الخلاق رب الكون خلاق البريّه
تفتح الأبواب من ضحكاتها لي مصرعيها
كن فيها سحر مدري شد مدري جاذبيّه
وبسمة لاقلت بروى مزنها كيف ارتويها
مكسبي منها عذاب ومكسبي منها لظيّه
وعينها ياقبلة الله كيف رسمة حاجبيها
لاما بالغ ورّدتني صِدق لحياض المنيّه
لو تروح الروح ملك الروح لو تقضي عليها
موت ياحساد تأخذها من الخاطر هديّه
"مدارات شعبية"