زال الظلام اليوم عن رسنا زال
من فعل حاقد حقد والقيله الكيد
ياضعف ناساً مابهم رجل واهزال
تتبع ملاعيناً وتتبع مماريد
الدين واضح ما تغير ولانزال
أفكارهم في غاية الجهل ونزيد
لو طال شر الحقد والحرب ماطال
دون الوطن أرجالها بالمراصيد
الأمن يرصد كل من صابه أهبال
بواسلاً تمشي على الدين ماتحيد
ياما تصدوا للمواقف هلبطال
أقولها وأقولها زود واعيد
يبلاد دونك يرخص الروح والحال
تبقى بلدنا مابها من مقاريد
والله ماغير الوطن حب مازال
أطهر بلد فيها نبوه وتوحيد
ونصيحتي بقولها مثل من قال
حقاً عليّه ماوراها مقاصيد
مع شلة الارهاب لا يصيبك اخبال
عوّد عنه نقولها لك تراديد
درب الجهاله من مشى فيه يهتال
يقع بلحظة سوء محداً له يفيد
تم الكلام اللي من الفكر ينقال
وصلوا عدد ما طار طيراً بتغريد
"مدارات شعبية"