بلادي عزيزة حبها في عروقي سار
ولو اسكن الاشجار داري سليت ابها
علي يشهد الله عالم الجهر والاسرار
على حب قومٍ واقفين بجانبها
صقورٍ تطوف الجو ما تخشى الاخطار
سعودي صعد بالمجد لعلا كواكبها
رجال البنادق والخنادق ارجال النار
اليوث العرين اللي تغبر شواربها
حرسنا الشجاع وجيشنا الباسل الصبار
قذايف لهيب المعركة في لهايبها
اليا شبت الهيجاء وذبذب لها الرادار
تناخت اسودٍ والشجاعة تسود ابها
اسلاحٍ تسارب فالوطن والفضاء طيار
وبحريةٍ سود المنايا تعوم ابها
اتقدم لحوض الموت كل ابلجٍ مغوار
وثنو دون جنة دارنا اللي نعيش ابها
ذراها هل البدله اليا عمست الابصار
اليا بانت الريبة وصكت حواجبها
حملت الشرف والفخر يالجندي الجبار
فداك الجبان اللي عهوده يخون ابها
تمنيت لو البيض ما يلبس اخمار
اليا فرعت ما فالوطن من يعذربها
لا قدم على التجنيد والبس ابدال الكار
واشارك مع الابطال وانطح متاعبها
"مدارات شعبية"