يا خفوقي اللي غدا يومه وفى
اشهد انك يا خفوقي به غديت
ردّ روحي واشعل الجسم بجفا
ردها وبنار غدره انكويت
ودّي انه ردني بلطف وكفا
قلبي اللي صار له عن ألف بيت
نور حبك يا الغضى والله طفا
لا تلوم العين لو مرة بكيت
كنت ازيل اللي على دربك هفا
ما بي اقدامك تعثّر لا مشيت
والخفوق اللي علشانك صفا
ما هقيت انك تبيعه ما هقيت
كنت ابي زولك الا منّه لفا
احضنه في وسط عيني لا بغيت
شمس عمري ودعتني بالخفا
والدغيري محمد اصبح قلب ميت
سامحك ربي على البعد وعفا
شاب شعري في غيابك وانطفيت
"مدارات شعبية"