ياما حلا شوف النشاما على الضو
ويجاذبون السالفه والقصيده
في جال طعسٍ كف عنه المطر تو
ريح الشمطري والخزامى تزيده
في ليلةٍ نصف الشهر ما احسن الجو
السمر يبرق صايراً له وقيده
ودلال رسلان على الجال ركو
ريح البهار مع العويدي فريده
واخيل من قبله بروقاً مع نو
نسناسها خلا حياتي سعيده
جمعة قروم ما دخل بينهم بو
اطلب وتلقى كل شيءٍ تريده
تفرح اذا شفت الرجاجيل فزو
كلن على النوماس يسبق حديده
هذا ولد عمٍ وهذا ولد خو
وهذا ولد خالٍ وهذا عضيدة
شوف النشاما يشرح البال والجو
ينسيك هماً في خيالك تعيده
"مدارات شعبية"