ليه انتعلق بالوهم ليه انتحدى المستحيل
ليه اتبع دروبك وهي سايقتني للضياع
ليه انتظر موتي عطش وانت لقلبي الف نيل
ليه ارتجي حضن اللقا واحنا يعانقنا الوداع
ليه اغمرك مثل المطر وأشب لك مثل الفتيل
ليه اسهرك ليلة شتا لا شمس لا نور وشعاع
وش يعني لو مات الأمل والقلب من حينه قتيل
وش يعني لو لمّك وطن واحنا يشتتنا الصراع
وش يعني لو ضاق الفضا والا غدا ليلي طويل
وش يعني نتحدى الزمن والوقت ما همّه شجاع
وش فايده اصرخ ابيك والدمع من عيني يسيل
والدرب ابعد من سنه والصوت اقصر من ذراع
كن هالليالي حالفه ما يجتمع خل بخليل
وكن لاأماني زايفه والزيف مذموم الطباع
جالك خفوقي تارك دنياه باحضانك دخيل
جيتك طعون ضايعه بحروب وآهات ونزاع
إلى متى بنبكي وله واحنا لقانا مستحيل
إلى متى وهم الفرح نمشي له دروب الضياع
"مدارات شعبية"