Al-Jazirah

و(الجربوع) أيضاً يشكو لهيئة الحماية الفطريةو(الجربوع) أيضاً يشكو لهيئة الحماية الفطرية

اطلعت في شواطئ الجزيرة الجميلة يوم الجمعة 29-2-1426هـ على قصيدة (ضب يهاجم بني البشر) للشاعر فهد بن محمد المبلع والتي يعبر فيها الضب عن معاناته من صياديه، وحيث ان الجربوع يعاني أيضاً نفس المعاناة فقد عبرت عن معاناته في القصيدة التالية:

ياابو حمد(1) ياللي زميلي بالأتعاس

ياللي مشاركني حياة التعاسهْ

تشكي من الشكمان وبندق ومكناس

وأنا أشتكي ناس سواة البساسهْ

اللي على طردي يحثّون الأفراس

دساتن تركض وراي بشراسهْ

تفحيطهم يا بو حمد يصدع الراس

وغبارهم سوّى على الراس طاسهْ

الضب والجربوع يا ناس.. يا ناس

ما به هبُر هو ليه بس افتراسهْ؟!

أنت تمنّى هجرة يم تكساس

.. الديرة اللي ما بهلها شراسهْ

وأنا أتمنى سِهلة بين الأطعاس

وانته معي حتى تم الوناسهْ

بحماية الله ثم أمنٍ وحرّاس

للهيئة (2) اللي موكلة بالحراسهْ

ولا بو زنادة، لاشكى مثلنا الباس

الضب والجربوع، هذا التماسهْ

عبد الرحمن الحربي/ بريدة - حي الجامعيين
(1) أبو حمد: كنية الضب.
(2) للهيئة: هيئة حماية الحياة الفطرية.