حنت النوق وبكار ذبحها الحدي
عقلت عقب ما كانت تعرف العقال
يا مودهلها تذكر جملها الهدي
عقب ما غاب صوتك عنه صابه جفال
والا انا يوم طاح الحيل من سيدي
ما هو بدمع.. هين.. ما بهالعين سال
البلا واقد قام يتصالى جسدي
شي والله يقال وشي لا ما يقال
وليلة البارحه طاولني بمرقدي
حلم ما هو حقيقه حلم ما هو خيال
يوم جاني يوصيني بدر يا ولدي
شف وانا أبوك حنا للفنا والزوال
كان تبغى رضاي وكان تبغى اسعدي
لا تبيع المعزه لجل دنيا ومال
ولا تخلى لحد منه ولا تعتدي
وقام يوصي ويضرب للوصايا مثال
ايه يا جد يا جد السعد يا بعدي
انت والله تحت رحمة عزيز الجلال
طحت يا ذيب لكن ليتها في يدي
الحمول الثقيلة والسنين الثقال
طحت بأمر الكريم اللي يشاء ويهدي
ومثل ما قلت حنا للفنا والزوال
"مدارات شعبية"