توك تجيني تنشدني عن شعوري
كنه بكيفك تراضينا وتزعلنا
لا تفتكر بعد صدك ببدي سروري
كم مر لك من زمن وأنت اتجاهلنا
ما شفت مثلك بشر بالحيل مغروري
ناظر غرورك وشوف لوين وصلنا
أول كتبتك غرام بأول سطوري
لعيونك السود كم همنا وكم قلنا
كانت حياتي ظلام وحضرتك نوري
ياما صبرنا وياما بك تبهدلنا
أنهيت دورك جفا والحين جاء دوري
من غير ما جاملك (كذب) وتجاملنا
اسمح أقول لك يا صاحبي سوري
محنا على خبرك الأول تبدلنا
أجمل قصيدة تعبر لك عن شعوري
(خلاص من حبكم يا زين عزلنا)
"مدارات شعبية"