يا الله تهديني لدرب الفضيله
وتاخذ يدي على طريق الهدايه
وياالله بوجهك عن دروب الفشيله
ومن حاقدٍ يدخل مع الحقد رايه
قالوا لاجل غايه تبرر وسيله
وسود النوايا بررت لاجل غايه
من واحدٍ يعن بالشر خيله
اللي خذا شذب الاوادم هوايه
صدري من الضيقه تقادح فتيله
ودورت في سود الليالي عزايه
وعزاي في شعري احفظه وشيله
لا غابت نجوم السعه عن سمايه
واين انت ياالله كل ما ضقت اجيله
يا عز واغلى ربعتي واصدقايه
اذكرك وتحن الليالي الجميله
في ساعةٍ حن الشقا من شقايه
لانك كفو يابو الفعول النبيله
يا اللي اليا ضاقت توقيت رايه
لانك بوقفاتك تساوي قبيله
وقدام تمدحني تبيّن خطايه
"مدارات شعبية"