تقريب عامين والذكرى على بالي
واليوم ذكرى المحبه صرت ناسيها
كنت احسب ان الغلا والحب يصفالي
يا شين دنيا الوهم ما بعد أمانيها
رجعت من دنية الاحزان ولحالي
رجعت احاسب خفوقي كيف يغليها
عامين كن الغلا هو أصغر عيالي
حكمة غبي: فكرة النسيان يطريها
طويت صفحه قديمه توصف هبالي
مكتوب فيها تعلمنا لياليها
رجعت اسابق خطاوي قلب متعالي
امشي دروب العنا واقرا معانيها
رجعت اسولف الم في حلمي الغالي
وانا أدري ان الزمن من وقت طاويها
سنابل القمح ترجي رحمة الوالي
والفرحه اللي بعمري صرت مخفيها
رميت نظره على اللي غير احوالي
شمس غدت دنيتي بالحب تحييها
كذا دفعت الثمن من مره الحالي
عامين والدمعه الحمراء اداريها
حاولت اجدد واغيّر وضع منزالي
كتبت غنوة أمل وأصبحت اغنيها
قدرت احطم حدود الصمت ما بالي
بعد المراره نطقت اليوم (مابيها)
ذكرى قديمه تعدّت وانشرح بالي
والله ما كنت أظن بيوم أنا أرميها
"مدارات شعبية"