يالله إني رجيتك يالعلي القدير
ياعليم الخوافي يوم حل الوداع
ترحم اللي عقب فرقاه كني كسير
اخو فيحا ولد عصاي وافي الطباع
إيه يالشيخ يا فيحان يابو الفقير
إيه يالشيح يافيحان ريف الجياع
إيه وش فودها الدنيا بليا كبير
مالها ذوق لكن ربي أمره مطاع
الفقيد العقيد اللي لربعه مشير
مامشا بينهم بالزور والا الخداع
ان لفيته لقيته مثل ضلعان نير
الله اللي وهب له مع ثبات ارتفاع
كم شهد بالمكارم له كبير وصغير
الفطين الرزين اللي يفك النزاع
مايعرف المعاصي مستقيم المسير
والمراجل كسبها مالقاها تباع
وتحت راية هل العوجا مقامه قدير
وطوع سلمان اخو نوره نهض بالشراع
ولا يجي ذكره إلا يندعا له بخير
وبين كل القبايل سار صيته وشاع
الله إنه يبيحه عد ماطار طير
وعد ماناحت الورقا بروس التلاع
والله إنه يجيره من عذاب السعير
وينزله هو رجانا بالجنان الوساع
"مدارات شعبية"