هذا الزعيم اللي يسوي الهوايل
اللي يولع في خصومه وقيده
هذا الهلال اللي عليه الصمايل
لا من بغيت العز شفلك وليده
زعيم لعناق الذهب دوم طايل
حتى المنصة منه دايم سعيده
يحرص على التتويج ما له مثايل
ويجمع الكيسان يالله تزيده
هذا الفريق اللي للامجاد نايل
هذا فريقا صار حاله فريده
يا حظ من يهتف لزرق الفنايل
لا صار حبه ماشياً في وريده
اللون الأزرق هو دواء للعلايل
والأبيض يداوي جروحاً أكيده
جمهوركم ما بين جدة وحايل
عشاق فنك واصلين الجديده
ومن الكويت الين قرية محايل
ومن المدينة لين تاصل عبيده
كلن يغني يا هلال الاصايل
كلن يقول الموج منهو ضديده
والكابتن اللي دوم للكاس شايل
اصبح طبيعي شوفت الكاس بيده
ما هي غريبه لعبكم كل فايل
اصبحت دكتور النوادي العنيده
انت الزعيم اللي توفي الجمايل
وانت الذي منك البلد مستفيده
جمهورك لحبك يسوي الهوايل
وانا لحبك كاتباً هالقصيدة
"الريـاضيـة"