أحاسيس الغلا تمضي على حبل الرجا بسكات
تشد كفوف مكفوفة وترخي صوت أمانينا
تجدد لوعة العاشق ويرجع كل جرح فات
تزيد أحزان فوق أحزان مرهونة بماضينا
نعيش من الفرح لحظة وباقينا أسى وآهات
طيور الصبح تنعشنا وترعبنا ليالينا
قتلنا الشوق والفرقى ونار الصمت والعبرات
وأسرنا الليل من عشق سرى حزن بخوافينا
يدق القلب دقاته ألم مع هم مع حسرات
يجر الآه من جرحٍ قديم وباقي فينا
ألا يا خالق الدنيا ومحيي كل حي مات
دخيلك يا عظيم الشان نرفعلك أيادينا
متى ننسى؟ متى نسلى؟ متى نسعد بما هو آت
متى يارب تجمعنا قبل نرحل بغالينا
"مدارات شعبية"