الطير يا زين المشافيق يفداك
أبا العوض يا شيخ خطو النداوي
ابي اشقر يا شيخ مثلك وحلياك
قطاع لاجا الجول ما هوب ياوي
والا اسمر جعل المنايا تعداك
شاهين يودع داغر الخرب هاوي
واجعل نصاب السيف صلت بيمناك
شدت نصابه ما تجي بالمناوي
والله ما تعطيه يمناك بيسراك
لا شفت ضربه من كبار البلاوي
من شاعر في صامل العلم باراك
والراسي لك في كل حال فداوي
اسمع كلام اللي على العز ينخاك
واشهر وترك شور من كان ثاوي
ان كان تبغي العز والكل يدراك
افعل ولا تتبع ضعاف الهقاوي
"مدارات شعبية"