الوحش وإلا الذيب وإلا كحيلان
كل المراجل لايقه لابن عمي
شجاع من ربعٍ شيوخٍ وفرسان
ما قال من خوف العد إنشف دمي
مطلق خلف للفعل موقع وعنوان
لا قال علمه بالنوايب يتمي
الرس يشهد له على مر الازمان
بقيادة الرجل الشجاع المهمي
قائد وله في قمة المجد نيشان
فعل الرحيلي للمراجل يضمي
عميد يستاهل نجومٍ وتيجان
في ساعةٍ فيها الخطر مدلهمي
معه الرجال اللي على الخصم شجعان
الكل منهم قال له ما يهمي
ابشر بعزك كلنا ربع واخوان
حنا لها لين المهمه تتمي
باوامر اللي كلمته شانها شان
نايف ونايف لا بغاها تعمي
كل السعوديين من غير نقصان
لاجل الوطن كلٍ يقول انت عمي
خدام للدين الحنيفي والاوطان
بالنايبه غير الوطن ما يهمي
"مدارات شعبية"