لا لا ولا لا للإرهاب
ولا لا ولا نرجي من أحدٍ صنيعه
لا خايفين أعداء ولا نرجي أصحاب
وحنا دكاتر للنفوس الوجيعه
حنّا سعودية شبابٍ وشياب
بأرواحنا نشري الوطن ما نبيعه
لأجل الوطن للموت ما نحسب!حساب
على النقا فينا الشجاعة طبيعه
دون الوطن نهدي على الموت الأرقاب
نموت ما نرضى عليه الهزيعه
دارٍ حكم فيها عريبين الأنساب
دستورهم هدي النبي والشريعه
آل السعود اللي يفكون الأنشاب
أهل الفعايل والبيوت الرفيعه
إخوان نوره للوطن درع وأحجاب
دايم لها مثل الحصون المنيعه
والله ما نسمع بهم هرج نصّاب
والشعب ما تمشي عليه الخديعه
ولو بالثرى الطاهر مجالٍ للأكذاب
مسيلمه ما ضاق فيه الوسيعه
واللي يمثل طير برمان والداب
يالله تعطيه الفنا والقطيعه
اللي على فعل الردى شكل أحزاب
الحظ رادي والفعايل شنيعه
جرثومةٍ تنقل مرض ماله أطباب
بلوى على الإسلام سنه وشيعه
وأختامها لا لا ولا للإرهاب
ومن لا تبع هدي النبي ما نطيعه
"مدارات شعبية"