يا دارنا ما غيروك الشياطين
يحماك رب البيت ما ياصلونك
يا دارنا مسكنك في داخل العين
وأهل الحسد في ذمتي ما يجونك
ويا دارنا دار الملوك السلاطين
آل السعود بدمهم يفتدونك
ويا دار أبو فيصل صعوط المجانين
مرهق جميع أعداك ما يقربونك
شرفك ربي ثم خدمت الحرمين
وشعبك بطل وله الشرف يخدمونك
واخوان نوره مرجحين الموازين
بالماص والدم الحمر يحتمونك
ويا دارنا نفداك بالعسر واللين
ونحماك بعد الله وحنا نصونك
ويا دارنا دار الرسل والنبيين
على العدل والدين قامت اركونك
يا قبلة الإسلام وكل المصلين
يمك وجيه الناس يستقبلونك
يا دارنا ما انتِ مثل سور برلين
ولا انتِ بسور سهل ثم يهدمونك
انتِ مقر الشرع والعدل والدين
واقسم برب البيت ما يحرزونك
ما دنسوك أهل الكفر والمعادين
نعمي عيون أعداك ونكحل عيونك
وأهل الفتن واللي عن الحق غادين
ولو حاولوا والله ما ينقصونك
أهل الخساسة والنجاسة ذليلين
على الردى يا دارنا يحاولونك
حنا عليهم موج وحنا براكين
وش مقصد العدوان وش يطلبونك
وقتل النساء وقتل الشيوخ البريين
وش ذنبهم وش ذنبهم يقتلونك
وراع الردى لو هو سلم عام وعامين
مهما تخفى يا الردي يمسكونك
خيبكم الله يا ضعوف المساكين
لا تقاوم الأبطال ثم يعدمونك
أنت الذنب يالاش يا عقرب الطين
ريموت في يدين العدو يوجهونك
ملعون واللي خططولك ملاعين
على الوطن وأهل الوطن يرسلونك
سيف العدل يقسمك يالاش قسمين
ونشوف راسك طايحن من متونك
ويا دارنا بالعز والنصر تبقين
غصب على العدوان ما يقهرونك
تبت يدين أعداك وكل الحسودين
ودونك رجال باللقاء يسترونك
هذا الحرس والجيش والأمن واعين
بقلوبهم بعيونهم يحرصونك
وقت الطلب يا دارنا مستعدين
لأهل الفتن واللي نوو يغدرونك
عهد مضى منا وعلى العهد ماضين
والله يذل ويخذل اللي يخونك
شرق وشمال وفالجنوب الملايين
وفالغرب وفي كل الدول يشكرونك
عشت تحت حكم الملوك الشريفين
اخوان نوره في اللقاء ينصرونك
والله يعز اللي على الشعب وافين
ويخذل جميع اللي نوو يخذلونك
"مدارات شعبية"