الله أكبر ما على الدنيا قرار
الله أكبر ما سوى الوالي كبير
والله أكبر نعبده سر وجهار
والله أكبر كافل رزق الضرير
والله أكبر بان ما خلف الستار
بان شي يذهب العقل ويثير
زمرة الإرهاب يا كلاب الدمار
من عثى في أمن البلد عمره قصير
تدعون الدين في هدم الديار
من سببكم كم تيتم من غرير
يا نواة الشر يا أصل الشرار
يا أهل النزوات والفعل الحقير
اللحى لأهل اللحى نور ووقار
وأنتم الحاكم غطى للي يصير
النبي وصى على حق الجوار
يلعن اللي خان في حق الجوير
من عذاب الله يا وين الفرار
والنهاية خاتمة في أسوأ مصير
البلد مأمون بطوال العمار
هم أهل التوحيد والسيف الشطير
هم أهل العوجا ليا ثار الغتار
هم أهل التوحيد والوالي نصير
يرحم اللي وحده فوق المهار
ويحفظ اللي عاش في نهجه يسير
كلنا جند لهم في كل دار
ما نخون ملوكنا مهما يصير
مثل خالد بن غديف في ذاك النهار
بان فعله يوم سمع صوت النذير
عشت يابن غديف يزهاك الشعار
يا شجيع الراس والقلب الجسير
"مدارات شعبية"