الشيخ بن ناحل فجانا رحيله
وكل يبي يرحل ليا جاه يومه
بندر علينا رجعته .. مستحيله
يا رب ضيفك جعل طوبى قدومه
راعي الكرم يوم المعاوش قليله
خلّد على شبه الجزيرة علومه
جده وأبوه أهل الفعول الجليله
من جودهم يحذون قبل الغنومه
موسوعة أمجاد النواحل طويله
يوم اليدين من النوال معدومه
الموت حق ولا لنا فيه حيله
ولا مات من بالمجد حقق حلومه
ونايف لنا واخوان نايف عقيله
فقيدنا ماهو على حرب قومه
فقيدةٍ على رجال القبيله
وفقيدةٍ على الحرس والحكومه
"مدارات شعبية"