جت المراكز يمنا كنه السيل
تروي ظمانا بالمعاني الجميله
وراح الفراغ اللي علينا كما الويل
وثارت هممنا بالطموح الرفيعه
كانت إجازتنا نهاره هو الليل
وكل وقتنا وسط الشوارع نسيره
بس المراكز عودتنا على سهيل
لا بان نجمه جت نومه لذيذه
تأديبهم بالطيب ما هوب بالويل
منهم عرفنا المرجله والعزيمه
أفعالهم واضحه من دون تدليل
شوفوا معاني الطيب فيهم صريحه
والله ان أعمالهم ماله إمثيل
صعبه أنظمها وأحصرها بقصيده
مني لكم يا قايديني شكر جزيل
على المناشط والجهود الحميده
وصلاة ربي عد ما جانا السيل
على نبي كل صفاته جليله