الله يعوضني على افراقها خير
اللي لها قدر ومحبه وطاري
اللي لها عندي معزه عن الغير
فارقتها ما أملك قرار اختياري
فارقتها والروح تكفخ كما الطير
كسير جنحانه وحوله حباري
غصب علي ماهرب ودي مقادير
وقفت تسل اسيوفها في مساري
زليت ما ادري كيف من غير تفكير
وضيعت عمري في رعونة قراري
في لحظةٍ فرطت بأحلى الغنادير
وغديت كني بين نارٍ وغاري
تجني واحبها بكل تقدير
لا وعذابي من دموع انهيار
ما عاد ينفع في خطابي المعاذير
صحيح ما يكتب على العبد جاري
ابي رضى امي في جميع المغاوير
حتى ولو شبيت في القلب ناري
ما ابي زعلها باهل العرف والخير
عندي رضاها فوق كل اعتباري
الله يسامحها على كل تقصير
اللي رمتني في جحيم انتظاري
عايش ما بين الناس من غير تأثير
تنوم عيني بين طاري وطاري
"مدارات شعبية"