هلا يا مرحباً ترحيبة توزن على الميزان
تراحيب المطر للفيصلي سلطان نهديها
رياض العز في حضرة سموه بالفرح طربان
وهذي مملكتنا تفتخر بقدوم غاليها
ترحب به قلوب حب أبو خالد لها عنوان
قلوب مخلصة والود يسكن في محانيها
تبسم وجه الأرض وفاح ريح العود والريحان
بعد ما داست أقدام الكرامة والوفا فيها
يلوح البارق وترعد مزون الشعر بالقيفان
وتمطر بالقصيد الجزل بأولها وتاليها
قصيد في سمو النائب الثاني رفيع الشأن
ينومس والقصايد في سموه طاب طاريها
ييميه بالمكارم مثل وبل المزنة الهتان
عسى الله يحفظه والطيبة من طيب راعيها
أبو خالد حبيب الشعر أمير الطيب والإحسان
مواقف سيدي بالمرجلة بانت مواريها
هلا يا مرحباً يا نور الأرض الفيصلي سلطان
تراحيب المطر يا سيدي بالود نهديها
"مدارات شعبية"