على هل الشعر سلم لي وبلغ لي غصون الراك
أمانة يا الهبوب أغلى ملام وجيت بلحالي
بلا توصيلة العبري ولامنت هذاك.. وذاك
لو إن الوقت ما قصر وقصر الحظ يبرالي
ويوم استعدل المايل وعزى المهتوي رياك
وجا لاهل النضا زيله يبوجون اشهب الالي
الا يالجدي شعشع في سماك وسعد من ينصاك
والا ياللي تجر عواك عان المرقب العالي
وطنا للولا واهلا هلابك مرحبا حياك
هلا لو ما هلا تنبي عن أشواقي.. وعن حالي
تصاغرت الكلام اللي بقوله لابدا طرياك
وكيف امحيك من بالي مدامك يا وطن بالي
وطن حنا عرب تبشر.. وتامر حي ابو مجناك
سلالة مرخصين العمر مترجل وخيالي
هل التوحيد مرويت الحديد ومن حمو علياك
هل البيعه وروس مجدها في طاعة الوالي
منزحة العدا.. والموت يقضع؟ في طرف مغناك
ومتبعة الخطا.. والجيش درهام.. وزرفالي
على مجدك.. ومن نجدك.. وفي ذكرك.. وفي معناك
مضو وامضو نصو واخلصو ووصو للاجيالي؟
وطن واليا بلشت بقوم ترجم لي وهات وهاك
ومن حب الوطن فيها بهذا لك.. وهذا لي
نمونك الرقاب وكل ما نملك يصير فداك
ولو بدلت امر من الشري يا مرنا الحالي
ولا تخشى على طيبة.. ولا مكة.. ولا يدهاك
مدام انا نبيع اراوحنا في ربعك الخالي
نحب اللي يحبونك وناطا خد من يشناك
ومن لا يقنعه في العوافي يقرب الصالي
عمت عين العدو اللي يخون بك ومن ينساك
ومن يرقص على راسه بليس العود ويلالي
يبي يرقص له السيف الحدب والعهد ما يخفاك
وعد مادام بحساب السنين ايام.. وليالي
تحت راي المليك اللي على عزك.. وفي مسعاك
جحا المضلوم.. وحزام الضعيف ومزبن الجالي
حبيب الشعب.. مسق الرعب لهل الخاينه واعداك
اخو نوره.. ومن شوره نشور ونعط الامثالي
زعيم ما حكم من راي لا (توني) ولا (شيراك)
ولا جا فوق دبابة هل (الصلبان) متمالي
سليل الفيصلي اللي بنى الدولة على مبناك
ورى يوم يشيب اله الرضيع ويذهن السالي
تخضع له ملوك العرب والكرسي على شرواك
يبي له مثل ابو فيصل عريب الجد.. والخالي
ولا ياللي وليت العهد لاغبنا ولا خناك
يزيح طويق مازحنا نهار الدم وشالي
على وجهك قدوم الخير.. والخيره على ممشاك
وفي دربك نسج اقدمنا يا حامي التالي
ولا تقلق بشرذمة الضلاله ناصرك مولاك
ولا راس السفيه اللي نصبه الغرب مخيالي
ذليل لو صعد واعلى مقامه لاصعد ماطاك
هذا قدره.. وقدر اللي معه تباع.. وموالي
ولك سيف بيوت الفخر بنصابه وفي مرضاك
يجي حده حدود العدل ويعدل لمن مالي
محيط الجود ابو خالد وثالث عزنا يمناك
وليث الحرب لاشبت ومقدم كل ريبالي
عسى للجنه الورفه وللغفران من سماك
بسلطان وعرف مبداك يوم اسمى للانجالي
فلا مثلك.. ولا وصفك.. ولا شبهك.. ولا حلياك
ولا يبدل بك اسمى المدح منزال بمنزالي
وطن لو المدى فالشعر ووزانه ليا قلناك
و(ادها) (انها) (اضها) (اللها) (اوبها) و(الي)
يكفي عن غنا الشعار ابو هذال لاغناك
ولكن الغلا ما هوب لاحد ولحد يالغالي
نقاسمك الولا مثله ونزهابك.. ومن يزهاك
نبت له ضلع واستنبى القصيد وشرف العالي
على اهل الشعر سلم لي وبلغ لي غصون الراك
امانه يالهبوب اغلا ملام وجيت بلحالي
"مدارات شعبية"