يا الله يا اللي من ترجاك ما خاب
يا واحد تعطي العطايا الجزالي
تفرج لقلب من عنا الوقت منصاب
يوم بعض الناس داله وسالي
علم لفانا أودع الفكر مرتاب
قعدت أصفق باليمن الشمالي
الموت حق ولا عن الموت مجناب
حرمتني شوفة عزيز وغالي
البارحة دمعي على الخد سكاب
وصيح صيحت من دخلبه هبالي
أمس معي واليوم من فوقه تراب
أقفن بجدي مظلمات الليالي
بندر ولد حياد فكاك الأنشاب
معرب الجدين عمٍ وخالي
يبكونه الربع القريب والأجناب
والمجلس اللي مدهلٍ للرجالي
دنياك هذي كلها هم وعتاب
محدٍ عرف فيها طريق التسالي
يا الله أنا طالبك يا رب الأرباب
تغفر ذنوبه يا عزيز الجلالي
"مدارات شعبية"