يا لمملكه راحت سنين وبدا عام
راحن قدام ومقبلاتٍ جدادي
نعدّ في سود الليالي والايام
نفنى وعمر ايامنا بزديادي
الله يثبتنا على دين الاسلام
ويعز حكّام السعود فبلادي
اقولها عبر الصحافه والاعلام
ورسالةٍ تاصل جميع العبادي
في شاشة التلفاز شاهدت الافلام
اطفال تقتل توّها بالمهادي
ارهاب في مبداه تفجير واعدام
شاهت وجوهٍ تفتخر بالفسادي
قتل النفوس الطاهره ساس الاجرام
يا زمرة الارهاب وين المبادي
نزلتوا الدمعه وسببتم آلام
للمسلمين اللي غفوا بالرقادي
ما فيكم اللي لاهله واصل ارحام
وقلوبكم مليانةٍ بالسوادي
وبالمملكه كل الدول حظها قام
للمؤتمر فيها ينادي منادي
ثم وقعوا باقلامهم هي والابهام
والراي واحد ضدكم يالسّرادي
المؤتمر حكمه عليكم بالاعدام
ويصدر عقوبات عليكم جدادي
ويسطّرون اللي يبونه بالاقلام
وحنّا ننفذها بكل اجتهادي
يا مدعين الدين ما هذا الاسلام
وفعولكم ما هي ويّا الجهادي
يا نايم اصح ولا تعمق بالاحلام
تراك تايه في طريقك وغادي
واسمع ترا للمعتدي قيد ولجام
وان طالت ايدينه ترد الايادي
خوفوا من الله لا تزودون الايتام
خوفوا من الله جعلكم لنفادي
يقوله اللي تالي الليل ما نام
من كثر ما شاف الغلط والتمادي
والمملكه تبقى على طول الايام
اطهر بقاع الارض هذا الوكادي
"مدارات شعبية"