ماجور يا متعب كثير الرياجيل
بالطيب مثل النجم فوق متعلي
عساه والله ما تجيه الغرابيل
ويشفيه ربي والمشاكل تجلي
يا معرب الجدين يا صفوة الجيل
ياللي ليا شاف النشاما يهلي
في مجلسه تلقا شذا البن والهيل
وسوالفن من سمعها ما يملي
ويذبح القعدان ويذبح الحيل
ما هو رياء بس الكرم فيه دلي
ما لوم ابو راشد ولو يسهر الليل
ودموع عينه فوق خده تهلي
انشهد انه صاغ زين التماثيل
وابدع بها يومن غيره مقلي
وحرك مشاعر كل من يبدع القيل
وكل بندلوه معه وده يدلي
عساه يفرح بالليال المقابيل
ويقوم ابوه وخاطره يسفهلي
"مدارات شعبية"