مرحبا بالي لفانا بعد طول المغيب
عودته حقاً علينا نحسب حسابها
هاض هاجسي بالمعاني وهاجوسي يجيب
في سموه جوهرة المعاني جابها
فيه زينات المعاني تليق وتستجيب
رحبة في جيته وانفتحلي بابها
والله اني فيه لابدع من الشعر العجيب
ومفردات الشعر والله لسوق اركابها
مرحباً بالي يفك الطيب من الطليب
مرحباً والفين واهلين في كسابها
رحبتبك عاصمتنا وزاد الطيب طيب
ولبستك مملكتنا اجداد اثيابها
واسفرتبك وانورت نجد يالشهم النجيب
واخضرت بك كل شعبانها وهضابها
ورحبتبك شيوخنا من بعيد ومن قريب
شوخ نجد وشوخ كل الخليج ومابها
ورحبتبك شوخ كل القبائل يالعريب
وكل شعب المملكة جيتك اهلابها
وشعبك الى لاجل حبك بغيبتكم صويب
يم واشنطن لحبك تعوج ارقابها
واليتامى والرمل والفقارى والعطيب
رحبوا في اللي الى جوه حل صعابها
انت سيد الجود والطيب واليوم الصعيب
شامتلك المرجله غصب وانت اولابها
لك مقام ولك مكانه ولك حض ونصيب
لا حصل يوماً كبيراً تحل انشابها
اشهد انك تدخلون الدخيل ولاتهيب
انت رجال المواقف وشيخ اشنابها
تلتجيبك عن سموم الذواري واللهيب
بعض شيخاناً تواريخها نقرابها
ومن عطايا سيد الجود يعطون الصحيب
ومن وفاه وهيبته كل رجلاً هابها
واشهد انك وافياً كاملاً ما فيك عيب
تشهد الاصحاب وشيوخنا واجنابها
واشهد ان من ظن بك ظن طيبٍ ما يخيب
فيك هقوات الوفاء والكرم تحضابها
ولو قصدت انا وغيري قوافينا تشيب
ما توفي مدحكم والجميع ادرابها
وفالختام ابطلب اللي لعبده يستجيب
الله المعبود عالم خوافي ما بها
جعل شمس سعود راعي المواقف ما تغيب
غيبته تفجع قلوب الرجال غيابها
واشكر الله واحمد اللي على خلقة رقيب
يوم عاد سعود للمملكة واصحابها
"مدارات شعبية"