ضاقت ولا ضاقت عليه لحالي
أشوف كل الناس تشكي من الضيق
حتى أنت يا أغلى من تجيب الليالي
بالدمع الأزرق ناعسينك غواريق
كأنك عضيد الوقت في بري حالي
تتل من تحت الضلوع المعاليق
أتلفت روحي واشغل الشوق بالي
ياقبلته من بين كل المخاليق
وجيت أتصنع مشرقي في زوالي
بآخر رمق جيتك وأنا ناشف الريق
ثقيل حمل وعزتي رأس مالي
يهون عمرى ما تهون المواثيق
والعمر واحد والأمل بالجلالي
لو طفت بيبان الأماني مغاليق
والكون كله وسع ثقب الخلالي
بالعين قام شويه . . شويه يضيق
والقلب مثل البوصلة للشمالي
سهم حنينه تحت حدب الصناديق
لا حشرجت بالحزن بحات غالي
أغيب في غبات الأفكار وافيق
وضاقت ولا ضاقت عليه لحالي
أشوف كل الناس تشكي من الضيق
"مدارات شعبية"