لا باس يا كل الغلى عنك لا باس
يزيل همك من سمانا رفعها
ما عاد به من يبري الجرح بإحساس
وإن صاح قلبك آه ما حدٍ سمعها
تحديت يا غالي مع صبرك اليأس
وقويت نفسٍ همها ما جزعها
(العيد مر) وفرحته عاشها ناس
ودنيا محبك ضاقت بمتسعها
أعيش مثلك . .لا بعد حيل محتاس
والبسمة يا عمري بعد مصطنعها
من شافني قال الفرح ماله إقياس
وأنا السعادة كذبةٍ مبتدعها
العالم الله كم تجرعت من كأس
فيه المرار يزيد نفسي وجعها
عقبك حبيبي دنيتي ما لها ساس
وروح تحبك شوقها ما نفعها
أحس بآهاتك ومخنوق الأنفاس
ولاني من اللي حبال وصله قطعها
باعيش لجلك يا الغلا رافع الرأس
وابنتظر ساعة لقى نجتمعها
"مدارات شعبية"