يا داعج العين وين الله بلانيبك
وقتي بلاني وربي فيك باليني
حبك ذبحني ولا أدري ويش أسويبك
الي جمعت الحلا والملح والزيني
العود والمسك والريحان من طيبك
والخوخ يشبهك والرمان والتيني
ما غير أهوجس وأفكر بك وأهذريبك
وليا ذكرتك يطير النوم من عيني
يازين ضحكك ومنطوقك وأساليبك
ليا تضايقت ما غيرك يسليني
تامر وتطلب وألبي لك مطاليبك
تزعل واراضيك تزعلني وترضيني
ما اسمع ولو كثروا عندي عذاريبك
ولا تسمع هروجهم مهما حكوا فيني
ما فيك عيبٍ ولابك شيٍ يعيبك
عيبك سبب جرحي وعيبك تداويني
دايم على ظني ولا أخلفت ظنيبك
اغليك بالحيل وانته حيل تغليني
تستاهل أكتب قصيدي بك واغنيبك
قلبك على قلبي ودينك على ديني
"مدارات شعبية"