تمسي وتصبح يا وطنا على خير
يا اطهر بقاع الارض في كل الاقطار
يا اجمل وطن واغلى وطن لك غلا غير
غلاك والله انه تساوي والاعمار
مثل الجبل ما حركنه آعاصير
شامخ وتبقى شامخٍ سر وجهار
لا ما تهزك يا وطنا تفاجير
ولا ما يضرك يا وطن كل ما صار
تبت يدين العابثين المداحير
تبت يدين مفسده عارها عار
عاثوا فساد ودمروا تدمير
ما همهم لو ماتوا اكبار وصغار
افعالهم فاقت جميع التصاوير
لكن نقول الله للذنب غفار
توبوا وعودوا لرشدكم والتفاكير
ولا تقتلون نفوسكم قتل كفار
وعيشوا بامان وراحتٍ دون تكدير
وخافوا من الله عالمٍ كل الاسرار
هذا الوطن ما هيب ببلاد شامير
دولة هل التوحيد كسابة الكار
ذي دولة الاسلام من غير تبرير
مهبط وحي على النبي سيد الابرار
نعم الوطن نعم الوطن انت لا غير
يا موطن الناس الشريفه والاحرار
ما نسمع الا صوت مذن وتكبير
وغيرك من الاوطان طبله ومزمار
فيك الشريعه قايمه دون تقصير
والله ما به مثلك ملك ايمين ويسار
وفيك المواطن له معزه وتقدير
وفيك الشرف والعرض مصيون يا دار
وفيك الرجال الطيبين المناعير
حكامن آلسعود وافين واخيار
في ظل قايدنا فهد قايد الخير
نزرع ونقطف يا وطن ورد وازهار
"مدارات شعبية"